ABŞ-li hərbi analitik Skott Ritter Ankarada keçirilən NATO sammitini “formal xarakter daşıyan tədbir” adlandıraraq, onun Ukraynadakı münaqişənin gedişinə hər hansı real təsir göstərməyəcəyini iddia edib.

Ritter bu fikirləri politoloq Qlenn Dizenin YouTube kanalına müsahibəsi zamanı səsləndirib. Onun sözlərinə görə, sammitdə verilən bəyanatlar və qəbul edilən qərarlar cəbhədəki vəziyyəti dəyişdirəcək səviyyədə deyil.
Analitik hesab edir ki, Ukraynadakı müharibənin gələcək inkişafı diplomatik bəyanatlardan daha çox tərəflərin hərbi və siyasi addımlarından asılı olacaq.

Qeyd edək ki, bu fikirlər Skott Ritterin şəxsi qiymətləndirməsidir və NATO tərəfindən rəsmi mövqe kimi təsdiqlənməyib.

//Samir Qurbanov, Editor.az