Quba Olimpiya İdman Kompleksinin rəhbəri Rəşid Orucov və müəssisənin mühasibi Vidadi Şirinov barəsində həbs qətimkan tədbiri seçilib. İş üzrə dövlətə və ya müvafiq quruma dəymiş ziyanın yarım milyon manatdan çox olduğu bildirilir.
Editor.az-ın “Report”a istinadən verdiyi məlumata görə, Baş prokuror yanında Korrupsiyaya qarşı Mübarizə Baş İdarəsində aparılan araşdırmalar zamanı “Azəridmanservis” MMC-nin Quba İdman, istirahət, təlim və tədris kompleksində qanun pozuntuları aşkar edilib.
Araşdırma çərçivəsində kompleksin direktoru Rəşid Orucov və mühasib Vidadi Şirinovun qanunazidd əməllərdə iştirakına dair hallar müəyyənləşdirilib.
Hər iki şəxs mənimsəmə və vəzifə cinayətləri ilə bağlı təqsirləndirilir. İş materiallarında ziyanın məbləğinin 500 min manatı ötdüyü qeyd olunur.
Binəqədi Rayon Məhkəməsinin qərarı ilə Rəşid Orucov və Vidadi Şirinov barəsində həbs qətimkan tədbiri tətbiq edilib.
Araşdırmanın digər detalları və ziyanın hansı əməliyyatlar nəticəsində yarandığı barədə əlavə məlumat verilməyib.