Ermənistanın sabiq prezidenti, müxalif “Ermənistan” blokunun rəhbəri Robert Koçaryanla bağlı məhkəmə prosesi yekunlaşıb. Keçmiş dövlət başçısı barəsində tətbiq edilən həbs qətimkan tədbirinin dəyişdirilməsi ilə bağlı vəsatətə baxılması başa çatıb.

Editor.az-ın Ermənistan mediasına istinadən verdiyi məlumata görə, məhkəmənin qərarı oktyabrın 23-də, saat 17:30-da elan ediləcək.

Məlumatda bildirilib ki, Koçaryanın həbs qətimkan tədbirinin dəyişdirilməsi ilə bağlı müraciət üzrə dinləmələr artıq yekunlaşıb. İndi onun barəsində hansı qərarın veriləcəyi gözlənilir.

Xatırladaq ki, avqustun 25-də Ermənistanın müxalif “Ermənistan” fraksiyasının deputatı Levon Koçaryanın mənzilində, Robert Koçaryanın evində, eləcə də onun ailəsi ilə əlaqəli şəxslərə məxsus şirkətlərdə və yaşayış ünvanlarında axtarışlar aparılıb.

Həmin gün Ermənistanın Baş Prokurorluğu sabiq prezidentə qarşı cinayət işinin başlandığını açıqlayıb. İş üzrə vəzifə səlahiyyətlərindən sui-istifadə, xüsusilə külli miqdarda rüşvət alma və çirkli pulların yuyulması ittihamları irəli sürülüb.

İş çərçivəsində Ermənistanın keçmiş müdafiə naziri və sabiq prezident Serj Sarqsyanın da adı hallanır.

Avqustun 26-da məhkəmə Robert Koçaryanın böyük oğlu Sedrak Koçaryan barəsində iki aylıq həbs qətimkan tədbiri seçib. Ertəsi gün isə sabiq prezidentin özü haqqında da iki aylıq həbs qərarı verilib.

Məlumata əsasən, Robert Koçaryan səhhətinin pisləşməsi səbəbindən Antikorrupsiya Komitəsindən xəstəxanaya aparılıb. Onun barəsində həbs qətimkan tədbiri ilə bağlı qərar xəstəxanadan buraxılmasından sonra icra olunub.

İndi əsas diqqət məhkəmənin oktyabrın 23-də elan edəcəyi qərara yönəlib. Bu qərar Robert Koçaryan barəsində tətbiq olunan həbs qətimkan tədbirinin dəyişdirilib-dəyişdirilməyəcəyini müəyyən edəcək.