Rusiya «Böyük iyirmilik» (G20) ölkələrinin ABŞ-da keçiriləcək qarşıdakı nazirlik səviyyəli görüşlərində yüksək səviyyədə iştirak etməyi planlaşdırır.

Editor.az xəbər verir ki, bu barədə Rusiya Xarici İşlər Nazirliyinin G20 və Asiya-Sakit Okean İqtisadi Əməkdaşlığı (APEC) üzrə xüsusi tapşırıqlar səfiri Marat Berdiyev bildirib.

Diplomatın sözlərinə görə, Rusiya nümayəndələri yaxın aylarda G20 çərçivəsində maliyyə nazirləri və mərkəzi bank rəhbərlərinin, həmçinin xarici işlər nazirlərinin görüşlərində iştirak edəcəklər.

Berdiyev Rusiyanın ABŞ-da keçiriləcək nazirlik konfranslarında «məhsuldar iştirak» üçün hazırlaşdığını qeyd edib. Görüşlər çərçivəsində enerji, maliyyə və digər istiqamətlər üzrə məsələlərin müzakirəsi gözlənilir.