Avropa Komissiyasının sözçüsü Anuar El-Anuni 27 apreldə “Haaretz” qəzetinə verdiyi şərhdə bildirib ki, Avropa İttifaqı Rusiyanın sanksiyalardan yayınmasına kömək edən İsrail fərdlərinə və qurumlarına qarşı sanksiyalar tətbiq etməyi nəzərdən keçirir.

O bildirib ki, AB, oğurlanmış Ukrayna taxılını daşıyan Rusiyanın “kölgə donanmasına” məxsus bir gəmiyə, Ukraynanın bu məsələ ilə bağlı İsrail hakimiyyəti ilə əvvəlki təmaslarına baxmayaraq, İsrailin Hayfa limanında boşaltmağa icazə verilməsi barədə məlumatı nəzərə alıb. O əlavə edib ki, AB Rusiyanın Ukraynaya qarşı müharibəsinin maliyyələşdirilməsinə töhfə verən bütün hərəkətləri pisləyir və “lazım gələrsə, sanksiya siyahısındakı üçüncü ölkələrdən olan fərdlər və qurumlar da daxil olmaqla, bu cür hərəkətlərə qarşı tədbir görməyə hazırdır”.

//Samir Qurbanov, Editor.az