Rusiyanın Ukraynaya qarşı tammiqyaslı müharibəsinin başlanğıcında Avropa qərarlarında səhv edib və Rusiya ilə sülh danışıqları fürsətini əldən verib. 

Bunu Estoniya prezidenti Alar Karis “Yle” jurnalına verdiyi müsahibədə bildirib. Onun sözlərinə görə, həlledici an Rusiya qoşunlarının Kiyevin kənarından demək olar ki, Rusiya ərazisinə geri çəkilməsindən sonra gəlib. O, qeyd edib ki, bu dövrdə Avropanın “təcavüzkarı danışıqlar masasına gətirmək” imkanı var idi.

Karis həmçinin müharibə bitsə belə, Rusiya ilə münasibətlərin uzun müddət çətin qalacağını vurğulayıb və “Rusiya dəyişməlidir” deyə deyib. Bundan əlavə, o, Avropanın həm potensial sülh danışıqları, həm də müharibədən sonrakı dövr üçün Rusiya üçün fəaliyyət planına ehtiyacı olduğunu qeyd edib. O bildirib ki, “Rusiya ilə necə davranmaq barədə planlar” hazırlamağa indidən başlamağa dəyər.

Qeyd edək ki, 2026-cı ilin fevral ayında Karis və Latviyanın Baş naziri Evika Silina AB-nin xüsusi nümayəndəsinin təyin edilməsinə və Rusiya ilə dialoqun başlanmasına çağırıblar. “Yle” qeyd edib ki, Estoniyada prezidentin bu açıqlamaları tənqid edilib, Rusiya ilə danışıqlara çağırış və Ukraynanın mümkün ərazi güzəştləri kimi şərh edilib. Müsahibədə o, ərazi məsələsinin “yalnız Ukrayna tərəfindən həll edilə biləcəyini” vurğulayaraq bunu təkzib edib.

//Samir Qurbanov, Editor.az