ABŞ Prezidenti Donald Trump bəyan edib ki, Tehran əldə olunmuş razılaşmaların şərtlərini pozacağı təqdirdə Vaşinqton İrana qarşı hərbi addımlar ata bilər.

Trampın sözlərinə görə, o, hadisələrin bu cür inkişaf etməsini istəmir, lakin İran öhdəliklərini yerinə yetirməsə, ABŞ tərəfindən çox sərt cavabla üzləşəcək. ABŞ lideri bildirib ki, belə bir vəziyyətdə İran “çox ağır bombardmana məruz qala bilər”.
Bununla yanaşı, Tramp qeyd edib ki, hazırda Tehranın razılaşmaları pozmaq niyyətində olduğuna inanmır və İran rəhbərliyinin əldə edilmiş öhdəliklərə əməl edəcəyini gözləyir.
ABŞ prezidentinin bu açıqlaması Vaşinqton və Tehran arasında münasibətlərin yenidən beynəlxalq gündəmin əsas mövzularından birinə çevrildiyi bir vaxtda səsləndirilib.

Qeyd edək ki, ABŞ və İran arasında nüvə proqramı və regional təhlükəsizlik məsələləri ətrafında gərginlik uzun illərdir davam edir. Trampın son bəyanatı isə tərəflər arasında mümkün diplomatik proseslərin gələcəyi ilə bağlı müzakirələri yenidən aktuallaşdırıb.

//Samir Qurbanov, Editor.az