Ermənistan Zəngəzur dəhlizi üzrə praktiki hazırlıqların hazırkı mərhələsi barədə yeni məlumat açıqlayıb.

Ermənistan baş nazirinin müavini Mher Qriqoryanın ofisi açıqlamasında bildirib ki, hazırda layihə çərçivəsində araşdırmalar, hesablamalar və mühəndis-axtarış işləri aparılır.

Məlumata görə, görülən işlər dəmir yolu komponentini də əhatə edir.

Marşrutun dəqiq parametrləri, layihənin dəyəri və infrastrukturun texniki xüsusiyyətləri aparılan araşdırmalar yekunlaşdıqdan sonra müəyyən ediləcək.

Mher Qriqoryanın ofisindən bildirilib ki, araşdırmanın ilkin variantının yaxın vaxtlarda hazırlanması gözlənilir.

Zəngəzur dəhlizinin həyata keçirilməsinin hazırkı mərhələsi və bundan sonrakı addımlarla bağlı bir sıra suallar Ermənistan baş nazirinin aparatına da ünvanlanıb.\\musavat.com