Rusiya Prezidenti Vladimir Putin yenidən Ukrayna ilə sülh danışıqlarına qayıtmağa çağırış edib.

The Independent nəşrinin analitiki Sam Kiley hesab edir ki, bu addım Moskvanın müharibədə üzləşdiyi artan çətinliklərlə bağlıdır.

Məqalədə qeyd olunur ki, Rusiyanın neft emalı zavodlarına edilən hücumlar, işğal olunmuş ərazilərə gedən mühüm körpülərin zərbələrə məruz qalması və cəbhədəki problemlər Kremlin mövqeyini zəiflədib. Analitikə görə, Putinin danışıqlara qayıtmaq çağırışı Rusiyanın hərbi və iqtisadi təzyiqlər altında qalmasının göstəricisidir.

Sam Kiley vurğulayır ki, Ukraynanın uzaqmənzilli zərbələri Rusiyanın logistika və enerji infrastrukturuna ciddi təsir göstərir. Bu səbəbdən Kreml münaqişənin diplomatik yolla həlli variantını daha fəal gündəmə gətirməyə çalışır.
Bununla yanaşı, Moskva hələ də öz şərtlərindən geri çəkilmədiyini bildirir və tərəflər arasında ciddi fikir ayrılıqları qalmaqda davam edir.

//Samir Qurbanov, Editor.az