Rusiya Hərbi Dəniz Qüvvələrinə məxsus Admiral Grigorovich freqatı La-Manş boğazında Böyük Britaniyaya məxsus yaxtanın istiqamətində xəbərdarlıq məqsədli atəş açıb.

Məlumata görə, insident zamanı Rusiya hərbi gəmisi yaxtanın təhlükəli hesab edilən manevrlər etdiyini bildirərək onu marşrutunu dəyişməyə çağırıb. Tələblərə əməl olunmadıqdan sonra freqat tərəfindən xəbərdarlıq atəşləri açılıb.
Hadisə ilə bağlı Böyük Britaniya tərəfi hələlik rəsmi açıqlama verməyib.

Məlumata əsasən, insident nəticəsində xəsarət alan olmayıb və yaxta daha sonra ərazidən uzaqlaşıb.
La-Manş boğazı NATO ölkələri ilə Rusiya arasında artan gərginlik fonunda strateji əhəmiyyət daşıyan dəniz marşrutlarından biri hesab olunur. Hadisə bölgədə hərbi və mülki gəmilər arasında təhlükəsizlik məsələlərinə dair narahatlıqları yenidən gündəmə gətirib.

//Samir Qurbanov, Editor.az