El Niño səbəbindən Kaliforniya sahillərində köpəkbalıqlarının sayının artması riski mövcuddur.

Bu barədə Editor.az Fox Weather-ə istinadən məlumat yayıb.

Məqalədə qeyd olunur ki, El Niño hadisəsi ekvatorial Sakit okeanın səth sularının temperaturunun yüksəlməsinə səbəb olur. Hesabatda bildirilir: “El Niño Cənubi Kaliforniya sahillərini isidərkən, bölgəyə daha çox köpəkbalığının miqrasiya etməsi gözlənilir”.

Bioloq Chris Lowe-nun sözlərinə görə, çəkicbaşlı və böyük ağ köpəkbalığı kimi bəzi növlər daha sərin sularda çoxalmağa üstünlük verdikləri üçün şimala doğru miqrasiya edir. Bunun əksinə olaraq, pələng köpəkbalığı kimi cənub növləri isə Kaliforniyanın cənub sahillərinə yönəlir.

Mart ayında Phobos hava mərkəzi-nin aparıcı mütəxəssislərindən Mikhail Leus yaxınlaşan El Niño hadisəsinin son onilliyin ən güclülərindən biri ola biləcəyi barədə xəbərdarlıq edib. O bildirib ki, qarşıdakı aylarda bu təbii hadisənin daha da güclənəcəyinə dair əlamətlər artır.

Bu proses qlobal hava sistemlərinə təsir göstərə, Yer kürəsinin temperaturunu daha da yüksəldə və Atlantik okeanında qasırğa mövsümünə təsir edə bilər.

Proqnozlara əsasən, ABŞ Milli Okean və Atmosfer Administrasiyası tərəfindən açıqlanan məlumatlar bu ilin və gələn ilin planet tarixində ən isti illərdən biri olma ehtimalının yüksək olduğunu göstərir.

//Gülnarə Abasova, Editor.az