ABŞ və İran 17 avqustda başa çatması gözlənilən 60 günlük atəşkəs rejiminin uzadılması barədə razılığa gəlib.

Editor.az xəbər verir ki, Anadolu agentliyinin Pakistan hökumətindəki mənbələrə istinadən yaydığı məlumata görə, tərəflər atəşkəsin müddətinin uzadılmasına vasitəçilər vasitəsilə razılıq veriblər.

Atəşkəs rejimi İslamabad Anlaşma Memorandumu çərçivəsində əldə olunan razılaşmaya əsaslanır. Mövcud razılaşmanın müddəti avqustun 17-də başa çatmalıdır.
Bununla yanaşı, İran tərəfi ABŞ-la atəşkəsin uzadılması ilə bağlı hər hansı danışıqların aparıldığını təkzib edib. Reuters-in məlumatına görə, yüksək vəzifəli iranlı rəsmi Vaşinqtonla belə danışıqların olmadığını bildirib.

Beləliklə, atəşkəsin uzadılması ilə bağlı məlumatlar hazırda tərəflərin ziddiyyətli açıqlamaları fonunda qalır. Danışıqların taleyi və atəşkəs rejiminin 17 avqustdan sonra davam edib-etməyəcəyi yaxın günlərdə dəqiqləşə bilər.

//Samir Qurbanov, Editor.az