Azərbaycanın dövlət sərhədini pozaraq Gürcüstan istiqamətində keçməyə çalışan üç xarici ölkə vətəndaşı saxlanılıb.

Editor.az xəbər verir ki, bu barədə Dövlət Sərhəd Xidmətinin (DSX) Mətbuat Mərkəzi məlumat yayıb.

Məlumata görə, oktyabrın 6-da DSX Sərhəd Qoşunlarının “Zaqatala” sərhəd dəstəsinin xidməti ərazisində keçirilən əməliyyat tədbirləri zamanı bir Mərakeş vətəndaşı saxlanılıb.

Oktyabrın 7-də isə “Şəmkir” sərhəd dəstəsinin xidməti ərazisində iki Əfqanıstan vətəndaşının Azərbaycan ərazisindən Gürcüstan istiqamətində dövlət sərhədini qanunsuz keçməyə cəhd etdiyi müəyyənləşib. Həmin şəxslər də sərhədçilər tərəfindən saxlanılıb.

Faktlarla bağlı hazırda əməliyyat-istintaq tədbirləri davam etdirilir.