“Azərbaycan Dəmir Yolları” QSC (ADY) sərnişin sıxlığının artması ilə əlaqədar Bakı-Ağstafa-Bakı marşrutu üzrə əlavə qatar səfərləri təşkil edəcək.
Editor.az-ın ADY-yə istinadən verdiyi məlumata görə, əlavə reyslər oktyabrın 17-si və 18-də həyata keçiriləcək.
Bildirilib ki, Bakı-Qazax-Bakı istiqamətində də qatarlar mövcud cədvəl əsasında hər gün fəaliyyət göstərir.
Sərnişinlər səfər biletlərini ADY-nin rəsmi internet saytı, “ADY Mobile” mobil tətbiqi və dəmiryol kassaları vasitəsilə əldə edə bilərlər.
Əlavə reyslərin sərnişin tələbatının qarşılanmasına və bölgələrə səfərlərin daha rahat təşkilinə kömək edəcəyi gözlənilir.