Macarıstanın baş naziri Peter Madyar Ukraynanın Avropa İttifaqına üzvlüyünün 15–20 il çəkə biləcəyini bildirib.

Onun sözlərinə görə, Kiyevin Aİ-yə qəbulu üçün konkret tarix müəyyənləşdirilməyib və proses zəruri islahatlardan asılıdır.
Madyar vurğulayıb ki, Ukrayna Avropa İttifaqının hüquqi, siyasi və iqtisadi tələblərinə cavab verməlidir.

O, Türkiyənin uzun illər davam edən üzvlük prosesini də nümunə göstərib.

Bununla yanaşı, Aİ-nin genişlənmə üzrə komissarı Marta Kos Ukraynanın bütün tələbləri yerinə yetirəcəyi təqdirdə 2030-cu ilə qədər üzvlüyə hazır ola biləcəyini bildirib.
Beləliklə, Ukraynanın Aİ-yə qəbulunun vaxtı ilə bağlı Avropa rəsmiləri arasında fərqli mövqelər mövcuddur. Üzvlük üçün rəsmi tarix müəyyən edilməyib.