Abşeron rayonunun Xırdalan şəhərində yerləşən orta məktəblərdən birində gecə saatlarında insident baş verib. Naməlum vaxtda məktəbin pəncərə şüşələri daş parçaları ilə sındırılıb.

Editor.az xəbər verir ki, hadisəni törətməkdə şübhəli bilinən Bəxtiyar Muradov polis əməkdaşları tərəfindən saxlanılıb və həbs edilib.

Faktla əlaqədar cinayət işi başlanılıb. Hazırda hadisənin bütün təfərrüatları və başvermə səbəbləri araşdırılır.