Finlandiyanın baş naziri Petteri Orpo Avropa İttifaqına Rusiya vətəndaşlarına turist vizalarının verilməsinin tam dayandırılmasını təklif edib.

Editor.az xəbər verir ki, Onun fikrincə, bu məsələ Avropa ölkələrinin təhlükəsizlik siyasəti çərçivəsində nəzərdən keçirilməlidir.

Finlandiya və bir sıra digər Avropa ölkələri Rusiyanın Ukraynaya qarşı müharibəsindən sonra sərhəd və viza nəzarətini gücləndirməyə çalışırlar.

Bəzi ölkələr Rusiya vətəndaşlarının turizm məqsədilə səfərlərinə artıq məhdudiyyətlər tətbiq ediblər.

Təklifin qəbul olunması Rusiya vətəndaşlarının Şengen zonasına turist səfərlərini daha da çətinləşdirə bilər. Bununla belə, bütün Avropa İttifaqı üzrə ümumi qadağanın tətbiq edilməsi üçün üzv dövlətlərin razılığı və müvafiq qərarlar tələb olunur.