Paris xüsusi polis vasitələrinin istifadəsini dayandırır
Fransada məktəblərdə təhsil şəraitinin yaxşılaşdırılması tələbi ilə keçirilən tələbə etirazları ölkə gündəminin əsas siyasi məsələlərindən birinə çevrilib.

Editor.az xəbər verir ki, Etirazlar zamanı polis ilə nümayişçilər arasında toqquşmalar baş verib. Son hadisələrdən birində 15 yaşlı tələbənin əlinin ciddi şəkildə yaralanmasından sonra Fransa hökuməti polis tərəfindən istifadə olunan xüsusi qumbara tipli vasitələrin tətbiqini müvəqqəti dayandırıb.

Daxili işlər naziri Laurent Nunez bildirib ki, qərar hadisə ilə bağlı araşdırmanın nəticələri müəyyənləşənədək qüvvədə olacaq.
Etirazçıların əsas tələbləri məktəb binalarının vəziyyətinin yaxşılaşdırılması, müəllim çatışmazlığının aradan qaldırılması, siniflərdə şagird sayının azaldılması və təhsilə daha çox maliyyə ayrılmasıdır.

Baş nazir Sebastien Lecornu hökumətin tələbələrin problemlərini dinləməyə hazır olduğunu bildirib. Bununla yanaşı, hökumət məktəblərə və ictimai obyektlərə qarşı zorakılıq və vandalizm hallarını pisləyir.
Etirazların Belçika və digər Avropa ölkələrində də oxşar aksiyalara təsir etdiyi bildirilir.

//Samir Qurbanov, Editor.az