Avropa İttifaqında Rusiyanın hibrid fəaliyyətləri ilə bağlı narahatlıq artır. Aİ-nin xarici siyasət rəhbəri Kaya Kallas Rusiyanın Avropada hava məkanının pozulması, kiberhücumlar və mümkün sabotaj cəhdləri də daxil olmaqla müxtəlif fəaliyyətlərlə bağlı ittihamlarla üzləşdiyini bildirib.
Kallas xüsusilə Moldova hava məkanına daxil olan Rusiya dronları ilə bağlı son hadisələri qeyd edib.

Almaniya kansleri Fridrix Merts də Avropanın qarşılaşdığı hibrid təhlükələrin artdığını bildirib. Moskva isə Qərb rəsmilərinin bu ittihamlarını rədd edir.

Məsələ Aİ ölkələri arasında Rusiya diplomatlarına qarşı əlavə məhdudiyyətlərin tətbiq olunması imkanlarının müzakirəsinə də səbəb olub.

//Samir Qurbanov, Editor.az