İstanbulda orta məktəbdə baş verən bıçaqlı hücum nəticəsində yaralanan səkkiz şagirddən biri həyatını itirib.

Bu barədə Editor.az “Haber Global”a istinadən xəbər verir.

Türkiyənin təhsil naziri Yusuf Tekinin açıqlamasına görə, hadisə zamanı xəsarət alan şagirdlərdən birinin vəziyyəti ağır olub. Həkimlərin müdaxiləsinə baxmayaraq, onun həyatını xilas etmək mümkün olmayıb.

Məlumata görə, məktəbdəki hücumu qız şagirdlərdən biri törədib. Hadisə ilə bağlı araşdırma aparılır.